uriola.eus

'Denak Pariserat' ekimena aurkeztuko dute Deustun

  Jendartea  Deustualdea

Bideo eta solasaldiaren bitartez aurkeztuko dute gaur Deustun, Mullerenean, Bakearen Artisauak eta Foro Sozialak, besteak beste, abenduaren 9an Parisen antolatutako mobilizazioa. 

'Denak Pariserat' ekimena aurkeztuko dute Deustun
Plaza Barrian egindako Denak Pariserat ekimenaren aurkezpena | Ikusi handiago | Argazki originala

Bake prozesua indartzeko martxan dagoen Foro Sozialak, Bakearen Artisauak lantaldearekin eta beste eragile batzurekin batera, Denak Pariserat ekimenean parte hartzeko deia zabaldu du. Orain presoak lelopean euskal herritarrak mobilizatzera deitu dituzte abenduaren 9an, Parisen egitekoa den manifestazio handian. 

“Abenduaren 9koa ez da beste manifestazio bat izango, Parisen espetxe politika aldarazi dezakeena baizik”. Izan ere, antolatzaileen esanetan, “guztiz garrantzitsua den ekinbidea da, babestu beharrekoa”. Parisek har ditzakeen erabakiak Madrilen ere eragina izango dutelako. 

Bilbotik Parisera joateko bi aukera eskaini dituzte, trena eta autobusa. Ekitaldiko antolatzaileek, ahal den neurrian autobusa hartzeko eskatu dute. Horrela, zailtasun gehiago duten pertsonak trena har dezakete, bertako eseri lekuak mugatuak direlako. Horregatik jendea autobusean joateko proposamena zabaldu dute.

 

Deustun aurkezpena

Denak Pariserat ekimenaren aurkezpena Deustun, Mullerenean (Ramon y Cajal 42) 19:30ean izango da. 

 

Larunbatean, bizikleta martxa

Arriaga plazatik irtengo da larunbatean, abenduak 2, eguerdian bizikleta martxa, Orain presoak. Denak Pariserat lelopean. Sare herri dinamikak antolatu du Bilboko kale nagusiak zeharkatuko dituen ekimena.  

2017/11/28 19:30

Mullerenea Deustualdea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa