uriola.eus

Haztegia sorkuntza lantegiak bost urte bete ditu

  Jendartea  Deustualdea

Sortzaile eta artista amateurrek zein profesionalek, eta zirko proiektu profesionalen antolatzaileek era askotako laguntza aurkitzen dute Deustuko Erriberan, Zirkozaurren, Haztegiaren baitan. 

Haztegia sorkuntza lantegiak bost urte bete ditu
Argazkia: zirkozaurre.com | Ikusi handiago | Argazki originala

Era askotako laguntzaren artean, besteak beste, sorkuntzarako espazioa, babesa eta aholkularitza, formakuntza edota lan mundurako sarbidea aurkitzen dute Haztegiara jotzen dutenek. “Sorkuntza prozesua baldintza onetan garatzeak proiektuen kalitatean zuzenean eragiten duelako”, Zirkozaurreko arduradunen hitzetan.

Bost urtetan 20 konpainia profesional, hiru proiektu amateur eta beste hiru sormen laborategi pasa dira Haztegiatik. “Lehentasun osoa” dute bertan EAEko konpainiek.

Abenduaren 22an, erakustaldia eskainiko dute ikerketa eta sormen laborategietako partaide Ana Cuervas, Begoña Peñaranda, Koldo Arakistain, Santiago Montero, Juan Fresina eta Eduardo Lostalek, Pau Portabellak koordinatuta, 12:30ean, Artiach lantegi zaharrean.

 

zirkozaurre.com 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa