Besteak beste, gazteentzako mintegiak izango dira, urtean zehar ikasitakoaren ildotik, eta, amaitzeko, Elektroien dantza zientziazko ikuskizuna izango da, neska-mutikoek eurek prestatuta.
BIZIZALE gunea Elhuyarrek eta Bilboko Udalak sustatzen duten ekimen bat da, bide-urratzailea, eta Eusko Jaurlaritzak eta Bizkaiko Foru Aldundiak izan ezik, beste eragile batzuek ere parte hartzen dute. Gunearen lehen helburua da Bigarren Hezkuntzako eta Batxilergoko gazteak erakartzea, 12 eta 17 urte bitartekoak, ikerketaren, zientziaren eta teknologiaren mundura, aisialdia erabiliz lehen erakargarri moduan, ikerketa-mintegi erakargarrien bidez eta eskola-orduetatik kanpo.
Lehen Bizilabe gune honek, urtean zehar, beren-beregi 12 eta 14 urte bitarteko eta 15 eta 17 urte bitarteko gazteentzat prestatutako mintegi sail bat gauzatzen du, guztiak ere ikertzaile eta irakasle ospetsuek gidatuta, baina, betiere, abentura eta saiakuntzekiko “bizipenak eta komunitatea” formularekin, Elhuyarren STEM hezkuntza-ereduari jarraituz.
BIZILABEKO FESTA, BIHAR, OSTIRALA
Bizilaberen mintegietan azken hilabeteetan egindako lanaren ostean, Bizilabeko gazteek stand batzuetan aurkeztuko dituzte beren lanak; beste jarduera batzuk ere izango dira, matematika aplikatuko BCAM ikerketa-zentroaren laguntzaz, “Elektroien dantza” ikuskizuna tartean: 2018ko azaroaren 16an izango da hori, ostiralarekin, 18:00etatik aurrera, Deustuko Barrutiko udaltegiko ekitaldi aretoan.
Festa bat izango da, jendearentzat irekia, batez ere 12 eta 17 urteko gazteentzat, baina familia guztientzat eta gizartearentzat ere bai. Bizilabek, horrela, bat egiten du 2018ko Zientzia Astearekin, zeina Euskal Herri osoan baita ospatzekoa.
Festa horretan, gazteentzako mintegiak izango dira, eta Elektroien dantza zientzia ikuskizunarekin ––mintegietako parte hartzaileek prestatu dute–– emango zaio amaiera.