uriola.eus

Okupazioaren inguruko saioak antolatu ditu Zirikatzen! dinamikak

  Kultura-aisialdia  Deustualdea

'Autogestioaz jabetuz, okupazio graia da!' proiektu berria martxan jarri dute eta antolatu dituzten ekintzekin gaur bertan hasiko dira. Lehendabizikoa Deustuko Gazte Lokalean izango da eta okupazioa ikuspegi estrategiko batetik aztertuko dute arratsaldeko hitzaldian.

Zirikatzen! batez ere gazteei zuzendutako herri komunikazioa lantzeko tresna autogestionatu bat bezala sortu zen orain 17 urte. Bi helburu nagusi hauek jorratzen ditu: komunikazioa, era zabalenean ulertua, eta formakuntza.

Hori dela eta, aurten Autogestioaz jabetuz, okupazio graia da! proiektu berria abiatu dute. Okupazioaren testuinguruan hitzaldiak eta mahai-inguruak antolatu dituzte. Esan bezala, lehenengoa gaur bertan izango da, arratsaldeko 19:00etan Deustuko Gazte lokalean. 

Hurrengoa, berriz, ostegunean izango da, leku eta ordu berean. Ostegunerako mahai-ingurua antolatu dute. Errekaleor, Barraskilore eta Maputxe herriak parte hartuko dute solasaldian. Bukatzeko, martxoaren 6an Espazio okupatuen autodefentsa izenenko hitzaldia antolatu dute.

2019/02/26 - 2019/03/06

Deustuko Gazte Lokala | Deustualdea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa