uriola.eus

Prest! aldizkariak 200 taupada

  Kultura-aisialdia  Deustualdea

Deustualdeko herri aldizkariak 200. zenbakia kaleratuko du martxoan. Deustuko jaietan jaio zen orain 18 urte eta giro berean ospatuko dute 200. marka. Martxoaren 19an, San Jose egunean, argazki erraldoi bat egitera gonbidatu dituzte irakurle eta deustuar guztiak. 

Hilabete berezia izan ohi da martxokoa deustuar guztientzat. Inauterietako mozorroa kentzeko ia astirik izan gabe, hamar eguneko jai giroan murgiltzear gaude. Testuinguru honetan jaio zen deustualdeko herri aldizkaria orain 18 urte, 2001eko martxoan Deustuko jaiak bete-betan zirela.

Geroztik, gelditu barik-buru belarri aritu da Prest! aldizkariko lantaldea, hilabetez hilabete gure inguru hurbilaren berri emanez. Gutxinaka-gutxinaka, elkarlanean eta deustuarren babes eta laguntzari esker, Prest! aldizkariak urratsak ematen jarraitzen du, bere txikitasunean euskaraz eragiten. Eta konturatu gabe joan dira dagoeneko 200 zenbaki.

Edozelan ere, ibilbide luzea dugu aurretik: hamaika istorio dugu kontatzeke, hamaika argazki argitaratzeke.

Urtemuga berezi hau irakurle eta deustuar guztiekin ospatzeko, argazki erraldoia egingo dugu martxoaren 19an, San Jose egunean, Done Petri plazan. Ekarri zure itxura onenak, photocalla ere egongo baita!

Baietz 200 lagun elkartu!

2019/03/19 13:00 - 15:00

Done Petri Plaza | Deustualdea

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa