Gazte Konpainiaren DÍAS ESTUPENDOS antzezlana, berriro Pabellón 6eko oholtzan

DÍAS ESTUPENDOS Gazte Konpainiaren antzezlana 2024aren hasieran estreinatu zen, Pabellón 6en, eta Bizkaiko eta Gipuzkoako hainbat herritan biran aritu ondoren, Pabellón 6era itzuliko da, 6 emanaldi eskaintzeko, otsailaren 14tik 23ra.

DÍAS ESTUPENDOS, udari buruz hitz egiten duen Alfredo Sanzolen testua da. Pieza istorio txikietan oinarrituta dago eta udaren nostalgia eta haurtzaroaren askatasun galdua ekartzen ditu gogora. Gainera, eguneroko bizitzako errutinatik kanpo proiektatzen ditugun adiskidetasunari, harreman pertsonalei eta fantasiei buruzko hausnarketa proposatzen du.

Antzezlana, ohi bezala, ostiraletik igandera antzeztuko da eta sarrerak www.pabellon6.org webgunean eskuragarri daude. Ostiral eta larunbatetako emanaldiak 19:30ean izango dira eta igandekoak 19:00etan.