uriola.eus

Jeltzale aberatsak

Erabiltzailearen aurpegia   Iritzia

Aitor Murgia kolaboratzailearen urteko azken ekarpena. Gozatu! 

Jeltzale aberatsak

dira diruzale,

enpresarien lagun

ta funts banatzaile.

Dorre bat ingo dute

Primarken gainalden

inoiz ez dute eman

pausorik debalde.

Burrukatzen baitute

diruaren alde.

 

Mundakako gizona

Bilbora doa maiz

sekulan ez tranbian

ta itxura galaiz.

Bere artean dio

umore txit alaiz

erresidentziekin

ni aberastuko naiz.

Jendearen kontura

izango naiz apaiz.

 

Hura ikusi eta 

dirudun guztiak

patronaleko gizon

ta enpresa handiak

Saldu nahi dizkiote

ideia berriak

gehiago ordain dezan

zergetan herriak.

Bestela hartuko dute

Ayuson gerria.

 

Urkullu, Tapia eta

jaun Rementeria

Noren alde zaudete?

Zein da zuen premia?

Ekonomia lehena

a zer trajedia!

Arriskuan jarrita

gu, langileria.

Kapitala delako

Haien arteria.

 

Boteredunen nahiak

doaz lehendabizi.

Guk dirua sortu ta

haiek ondo bizi.                                                              
Mundu honetan ez da

batere justizi 

Amancio ez da eredu                                                                  

lapurra da baizik.

Zara desjabetzea

duelako merezi.

 

Euskal langilegoak

dadukan pobrezia

Baino haundiagoa

hauexen grandeza.

Madrilen adosten dute

haien interesa,

berdin da nor dagoen

zuria ala beltza.

Dirua irabazteko

manera erreza.

 

Konturatu gaitezen

Euskaldun maiteak,

defenda ditzagun ba

gure eskubideak.

Askoz gehiago gara

nahiz ta izan pobreak

Galtzeko zer daukagu?

Bakarrik kateak.

Kalera irtengo gara

Badaude bideak.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa