Bigarren urtez, Gailurra Uribarriko mendi-taldeak Mendi-bideoen eta –argazkien lehiaketa antolatu du.
Mendizale amateurren abenturak eta egitandiak erakustea du helburu lehiaketak. Horretarako, parte hartu nahi duenak bere mendi-jarduerak erakusten dituzten bideoak eta argazkiak bidali behar ditu mendi-taldearen helbide elektronikora (gailurra.mt@gmail.com).
Mendizaletasunaren zirrara adierazten duten argazkiak eta bideoak nahi dituzte; beraz, akzioa erakutsi behar dute modu batean edo bestean.
Argazkiak eta bideoak ikusgai jarriko dira www.gailurra.org webgunean eta ikusleek gustuko dutenen aldeko botoa eman ahal izango dute. Beste alde batetik, epaimahai batek ere argazkiak eta bideoak baloratuko ditu eta ikusleen botoarekin batera lanik onenak aukeratu dituzte.
Lan finalistak Gailurra mendi-taldeak urterik urte antolatzen dituen Mendi Jardunaldietan proiektatuko dira eta bertan, ikusleen botoen laguntzarekin, erabakiko da zein diren lehiaketako irabazleak.
Lehiaketaren oinarri guztiak irakur daitezke mendi-taldearen webgunean.
Uda honetan ez ahaztu zure kamara eta eman zure ekintzen berri lehiaketan parte hartuz. Gainera, sari potoloak banatuko dituzte: 400 euro bideorik onenarentzat eta 200 euro argazkirik onenarentzat.
Zorte on!