Abusu Ikastolako irakasleek familiei eskerrak emateko #MilaEskerFamiliak traolarekin bideoa osatu dute.
Asmoa, Euskal Herriko gainerako irakasleek ere beste horrenbeste egitera animatzea da; egoera berezi honetan, familiek egindako ahalegina aitortzera, ikastetxez-ikastetxe eta herrialdez-herrialde.
#MilaEskerFamiliak traola baliatu dute horretarako.
Abusu Ikastolako familiok ere, esker on hori itzultzeko asmoa izan badugu. Ea ikasturtea amaitu aurretik posible den.
Irakasleok!
Egoera eta garai berezi honetan, ahalegin berezia egiten ari zarete, moldatzeko eta hezkuntza beharrak nola edo hala, asetzen jarraitzeko. Inoiz baino gehiago, familien partehartzea funtsezkoa da egunotan. Lan hori aitortzeko, auspo emateko eta lasaitasun eta animo mezua zabaltzeko, Abusu Ikastolako irakasleek #MilaEskerFamiliak mezua hedatzeari ekin diote. Familiek ere nahi lukete irakasleen lana aitortu eta eskertu, ahal dela ikasturtea amaitu aurretik eta aurrez-aurre.
Irakaslea bazara, zeuk ere zabaldu zure ikasleen familien artean animo mezua, eta erabili sare sozialetan #MilaEskerFamiliak traola.