uriola.eus

Abusu izena aitortuko du udalak

Erabiltzailearen aurpegia   Jendartea

Udaleko iturriek adierazi digutenez, Abusu auzoaren izena ofizial egingo dute gutxi barru, Abusu-La Peña udaleko toponimoen mapan sartuz. 2016an Jaurlaritzak jada egina zuen pauso hori bere egingo du Bilboko Udalak, 2014ko mapa eguneratuz. Hala, Bilbobusueko 56. linean auzoaren euskal izena ere agertzeko bidea zabaltzen du horrek eta, Euskotrenek ere, txio bidez jakinarazi du kontuan izango duela aldaketa, etorkizuneko tranbia geltoki berriari begira.

Eusko Jaurlaritzak sartua zuen Abusu-La Peña izena bere mapa toponimikoan, 2016tik. Bilboko Udalak, aldiz, 2014koan ez zuen Abusu izena aitortuta eta, hortaz, Bilbobuseko 56. linearen izenean, kasu, ez zen Abusu agertzen. Aldiz, Euskaltzaindiak aitortua zion zilegitasuna mikrotoponimoari, Ibaizabal landaren ondoko guneari eta El Ponton errota historikorainokoari.

Horrenbestez, Juan Mari Aburto alkateak gaia aztertzeko publikoki hartutako konpromisoa beteko du. Eta ia 200 lagunetik sinatutako eskakizuna erantzun, tartean Gurabusukide asko.

Era berean, Boluetaraino eraikiko den luzapenean, Euskotren konpainiak txio bidez jakinarazi du aldaketa kontuan hartuko duela. Geltoki berria Abusu Ikastola ondoan legoke. Gurabusuren idatziz geltokiaren izenak nahitaez egin beharko lioke erreferentzia Abusuri, ikastolari edo biei.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa