Gaur, urtarrilak 24, epaiketa egin da Bilboko zigor-arloko 5 zenbakiko epaitegian, Bilboko Talde Antimilitaristako (KEM-MOC) bi aktibistaren aurka, Bilboko gobernu militarra "eraisten" saiatzeagatik, 2021eko abenduaren 18an #botakuartela kanpainaren barruan egin zen ekintza ezbiolento zuzen batean.
Fiskaltzak kalteen delitutzat jo ditu gertakariak, eta 18 hilabeteko espetxe-zigorra eta 4.500 euroko isuna eskatu du auzipetu bakoitzarentzat.
Ekintza ezbiolento zuzen harekin, KEM-MOCek salatu zuen Bilbon Juan de Garay kuartel militarrean hasten dela gerraren prestaketa, Irala auzoan. Horregatik, kolektibo antimilitaristak proposatu zuen ejerzitoaren instalazio hori desegitea, eta horrela, okupatzen duen espazioaren 6.500 m2-ak gure hiriko pertsonen bizi-baldintzak hobetuko dituen erabilerara bideratzea.
#botakuartela kanpainak 2023rako aurreikusitako gastu militarraren igoera salatzen du, eta horrek berriz ere karrera armamentistiko batean jartzen gaitu, erabilera sozialetarako baliabideak kentzen dituena eta arma-industriaren onurak handitzen dituena. Ekintzaren egunean 43.000 milioi euroko gastu militarra salatzen bazen ere, aurten 48.800 milioira igo da, NATOk BPGren % 2ra iristeko duen betebeharra gaindituz.
Bilboko Talde Antimilitaristak (KEM-MOC) dei egiten die Irala auzoari eta Bilbon bizi diren pertsonei Bakearen alde eta gerraren aurka mobilizatzeko, Juan de Garayren kuartelaren existentzia salatzearekin bat eginez eta ejerzitorik gabeko mundu baten alde borrokatzeagatik auzipetutako pertsonei elkartasuna adieraziz.