Abenduko patua da
argitu orduko iluna,
aurrera doan neurrian
gauak jaten du eguna.
Hilabete kulturala
Durangon hasten duguna
ta aurton Miribillan da
hurrengo ikuskizuna.
Mahai baten bueltan jarrita
gora adiskidetasuna!
urteroko bazkarian
apurtu da batasuna
aspaldiko kontua da
zoritxarrez ezaguna
aurton berriz falta baita
lanik ez duen laguna.
Bilboalde