Bizkaiko txapelketa
dator ate joka,
estutzen hasi zaigu
lepo bueltan soka.
“Aurkeztuko al gaitunk?”
toka edo noka
Potojorran barruan
zelako borroka:
geure buruarekin
gabiltza mokoka.
Ez dago hain urruti
bi mila hamasei,
politago litzake
bi mila ta hogei…
Hego Uribe hil da
Bizkaia bizi lei…
esan behar diegu
entzuten daudenei:
Apolok egin digu
“hay que mejorar” dei.
Hobetu behar bada
daukagun nibela,
bistan dago gurekin
hain zaila ez dela.
Bertso geriatrikoan
dugu erregela:
txapelketa heltzen da
erreuma bezela,
urteak joan etorri
gogorrago dela.
Leaxpi