Asteburuak askorentzako
betetzen dira bisitaz
kotxea hartu ta Rennesera
abiatu gara pis-pas.
Azken orduko ezuste edo
ezer ez bada txiripaz
gure laguna ikusi eta
besarkatzeko irrikaz.
Dispertsioak ekarri digu
hamaika bide luze txar
gauez gidatu beharra sarri
bide eskasetan zehar.
Dauden lekuan egonda ere
ez da zertan esan behar
beraientzako maitasun asko
daukagula ematear.
Egonagatik gure herritik
eta gugandik aparte
beraien berba ta irriparrek
zerbait berria dakarte.
Bardin Alcala, Avila, Rennes,
Fleuri edo Alicante
gure bidaia ez da amaituko
denak etxeratu arte.
Rohazonen, 2016-VI-3
ZALDUNA