Biyer Bilbora itzuliko naz, beraz gaurko egune Gaillimh-etik Dublinera joaten emon dot goizien behintzet. Gaillimh-en wgune erdi eguzkitsue egon da. Ia-ia penea emon dau handik joateak. Bidien, baina, Irlandako mila eta bat zelaien artien euriye hasi de, ta orain bai, orain ez, orain xirimiriye, orain afrontue eta gero abazuze, Dunlinera ailega naz.
Gaue non pasa ladez aurretik hitzartute neukon eta bertara abiatu naz. Barriro be hasi da euriye eta hal neuen moduen bertara joan naz. Bidien apretek laprast in dostie eta kriston hostiyakoa hartu joat belaunen. Kaguendioska hasi eta bertako tipo batek: "You need a hand?"
You need a hand? hor atara
hostiya hartu ta hara
oraintxe berton nik needodana
laprast ez egitea da
Azkenien pisure erdi herrenka ailega naz eta deitu dot. Txinatarra da bertako arduradune. Gela erakutsi, komuna erakutsi, neska bigez partekatu behar dodala esan eta nire gauzatan utzi nau. Momentu baten komunera joan naz eta nesketako bat ikusi dot: bera be txinatarra, eta bera be oso gaztie... Ikeragarri gaztiye. Etxea barrutik... Ezer ez dago oso txukun, ezer ez dago oso garbi. Ikasleen pisu batean nagoala konturatu naz.
Arratsaldien apur bet pasiora urten dot eta gaueko bederatzitarako etxien nengoan. Beste txinatar bat ezberdine topa dot. Bai, aurrekoaren oso antzekoa baina beste bat izin de. Agurtu, beragaz para bat gauza aipatu eta gelara joan naz. Eta hortxe hasi da panoramie animetan.
Hamarretako oheratzeko
aukera neukon aparta
baina lagunak iritsi ziran
pisu barrure aldraka
txineraz berba egiten euren
miau-miau tarrapatataka
Hamabik arte hor egon ziran
jo eta ke zarataka
Hamabietan lokartu nentzen
logure nentzen benetan
ta bi orduten lo egin neuen
nire gelatxo haretan
ordu bietan txisara joan
igonda eskileretan
norbait egoan barru bainatzen
gaueko ordu bietan
Hango etxeko biztanleek antza
ez euren pasetan txarto
sukalderaino bajatu nentzen
lehengo neska topetako
itaundu neutsan zertan ebilan
ta orduen zertarako
esan ostanez hor zain egoan
pasieran urtetako
Lokartu nentzen ohean barriz
hori zan neure lekua
lo bat in nauen egunsentiak
in arte bere ikutua
isil-isilik bajatu nentzen
zelako basamortua
hortxe goizeko zazpietako
bertan zan bake santua