uriola.eus

Domu Santuko Txangoa

Erabiltzailearen aurpegia

Goikomendizaleen batza

Doinua: Iparragire abila dela

 

Zemendiyak bat Domu Santu da

jaia Erromako Elizan

eta kristauen eran bardintsu

ospatzen da Jaurlaritzan

Potojorran koadrila

Erromeri zibila

goiko mendizale gisan

Bilbon lotuta Pagasarrire

poz-pozik joan gintzezan

 

Ainhoak eta Marikarmenek

egin eurien jaramon

Joseba eta Guti Errez be

portatu zirian gizon

azkena zan Eneko

Ixorretar konpleto

bertaratu zan faraon

atxakia zan Eneko ez zala

inoz Pagasarrin egon

 

Hitzordurako lekua gendun

guk San Antongo zubia

bederatziak ordua eta

hortik gorantza bidia

San Adrian igaro

herena eginda dago

ta ez da harrokeria

Athletikeko tabernan dago

igoeraren erdia

 

Hasiera baten asfaltoa da

bidea oso-osorik

baina ondoren pistea hasi

barrerearen ondotik

hortxe dator aldatza

edonorentzat latza

ekin behar jako gogotik

Marikarmenek ta Gutierrezek

igo euren zelaietik

 

Azken zatian ehun bat metro

berez zirian malguak

danok batera egin genduzan

buzoieraino helduak

aterpean ondoan

armozua egoan

ogitarteko onduak

gora Bizkaiko Diputazioa

ta Ugaoko mokaduak

 

Elurtegiak ikusi eta

niskaloak topa di-da

hortik beherantza pinudietan

ezker eta eskubira

nori akordetan jako

esplikatu beharko

jotea Alonsotegira

luze jaitsita luze ibilita

heldu Gutiren herrira

 

Plaza zaharrera iritsi eta

kalkula ondo denpora

freskagarria ta oliba batzuk

sartu beharko altzora

ordu bietan busa

galtzea da txapuza

hobe ez eitea aproba

azken unean joan zirian

autobusean Bilbora

 

Ta erdietan edo horrela

zan autobusaren meta

nor bere etxera bazkaltzera ta

Eneko barriz lasterka

hartu behar kotxea

helmuga zan etxea

ta herria Ixorreta

biagoaren orduan egin

eban etxera buelta

 

Guti Errez

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa