uriola.eus

Iragana eraitsi

Erabiltzailearen aurpegia
Doinua: Esnesaltzailearena

1)

Neure gruan jezartzen naz

balitz lez aman magala,

jostagarriak baitira

gurpil, luma eta pala.

Eraikin zaharrak akatu

erdi kantuz trili-trala,

ni baino zoriontsuagorik

itsuak topa daiala.

 

2)

Baina eklipsatzen hasi jat 
 
neure ugazaban itzala.
 
Eraiste bat agindu deust
 
ez ohikoak bezain normala.
 
agindua iruntzi dot
 
Dardarati_haizea bezala,
 
nire jaiotze herrian
 
etxe bat bota behar dala.

3)

Goizero ei dator bueltan

atzo joan zan iragana,

zelan urteak pilatu

hala metatzen da zama:

Antonbane baserrian

aspaldi jaio nintzana,

orain Derribos SL-n

bizimodu eta lana.

 

4)

Nahiz izan larreko lora

asfaltora ein neban plana,

behargin berbakoa ta

gurtu ugazaben esana,

patuak nakar barriro

jaiotetxe ederrangana:

ta ordainarazo gura deust

traizio egin izana.

 

5)

Akorduak datoz ilaran

lehena udagoien gorrian,

zelan plisti-plasta olga

auzokoaren iturrian,

gerora koiu beharra

ereindakoa urrian,

lanaldi amaiezinak

urtero udabarrian.

 

6)

Nabil ixil-sokorruka

zelan odola txarrian,

malezi distiratsua

sarkasmoaren irrian,

Patuak epaitu nahi nau

juizio ikaragarrian,

errudun nazela diño

troñu batek eztarrian.

 

7)

Nire onenean banengo

ez neuke inoiz ikutuko,

baina lege zaharrak daukaz

Bizkaian hainbat  lekuko,

bigarrena jaio nintzan

eta konturatu orduko,

anaiak bota ninduen

fabriketara ta punto.

 

8)

Jende askok seguru asko

ez dau inoiz ulertuko,

kontzientzaren atalasak

mila laban, mila truko;

horra doaz indar osoz

gruaren luma ta buruto,

behera akabatuko dot

ta ez jat inoiz damutuko.

 

ARRAKALA

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa