1832ko bertsoa (zortzicoa):
Egun pozcarria da
Ostegun guizena,
Ala jarri zioten
Berari icena.
Batetic dantzariac
Bestetik cezena,
Alegra diteque gaur
Atzo triste cena.
2017ko bertsoa (Lagundurikan denoi):
Bi mende ez ote da
epe bat itzela,
gizaki bakarraren
eskura ez dela.
Bistan da Inautea
orduan bazela,
zer aurreratu dugu?
atera erregela:
ustez Homo Sapiens
praktikan ergela.
Euskarak orain dauka
"batua" izena,
ortografian dugu
seinale gorena.
Baina mamira sartu
ta ez al da pena?
jostailutzat daukagu
oraindik zezena,
tradizio deituaz
basakeri dena.
Dantzari eutsi zaio
bertsoei ere bai,
zenbaitzuk zezenketa
egun ez dugu nahi.
Galdeketari ekin
ta Madrilek nanai,
baimenak eskatzea
morrontzen ardagai
belarrimotzak besteen
belarriak moztu nahi.
Festetan ez debeku,
ez abusu, ez zezen,
ez ditugu nahi eta
aitor daigun ozen.
Jaien ortografian
badugu nahiko sen,
popatik zezenketak
plazara geu goazen,
burujabetasunez
mozorro gaitezen.
KEYNES