Otorrinoan itxura danez
egin dozu itzulia,
eta burua barrutik behintzat
ei daukazu iraulia.
Bada hamentxe kezkatu dozu
hemen dagon famelia:
otorrinoa ez ote gendun
Australiko animalia?
GUTIZIA
Iñakirenera heldu eta
zugaitik egin dut galde,
esan didate otorrinoak
utzi zaituela grabe.
Nere ustetan oraindik zaude
zure gaitasunen jabe:
"otorrino bat" fuerte esateko
nahiz ta laringerik gabe.
GALANTZA
Aizu Barandi, aspaldi hontan
gu kezkatuta gaituzu:
udaberriko loraldi honek
zimelik itxi zaitu zu.
Betiko antzera baina zu barik
hementxe gabiz jo ta su,
hobe zaitezan horra doatsuz
gaurkoan hiru bertso mosu.
GARROTE
Hiru bideo arreta handiz
orain entzuten egonik
dudarik ez dut: Australian
otorrinoak ortozik.
Laringe gora edo behera
utzi nauzue poz-pozik:
gorra izateak, zalantza gabe,
izango du gauza onik!
KEYNES