Lehengo egunean Berrian Angel
Errok ekarran jarririk
aldarri barri bat dakarrela
egunokaz Madriletik
Manspreading antza izena deko
ingelesez bataiaurik
ta berak jarri eutsan besterik
ezean “hanka zabalik”
Itzulpen hori nire ustetan
dago ahalik ta zehatzen
Aspaldi-aspaldi Xenpelarrek be
azaldu eban hain zuzen
“hanka bat zeukan Bitoriyan ta
bestia berriz Londresen”
eta neuk bere ezin nei esan
zenbat ikusi dodazen
Feminismoak aldarri hori
jarri dau gure pareko
metroan eta autobusetan
ohikoa da ta seko
pentsatuz gero hau zertan datzan
ta zer dagoan tarteko
gizalegeak bere horretan
zerikusirik badeko
Gizonezko bat autobusean
eserita da Manspreading
ta hanka biak zabal-zabalik
itxura ez da horren fin
nahiz gehien batez gizonekoek
hola esertzeari ekin
emakumezko gutxi batzuek
be egiten daure bardin
Ikuskizuna polita danik
behintzat ezin dogu esan
ta batez bere firuak euki
ezkero bizarren gisan
hurrengoari adeitasunez
honako itauna erasan
ia alderdiak freskatzen edo
salgai jarrita dekozan
Guti Errez