Bi mila eta hamazazpia
urte seinalatua da
aurten Zorrotzan institutuan
egin dogun labekada
hogeita piku bollikao dira
handik diranak atara
batzuk gozoak egonagaitik
besteak barriz gozaga
Batzuentzako sei urte pasa
ahal dira atoan di-da
ume koxkorrak etorri ziran
dana zala ikusmira
burua baina berotu geuntsen
ondo euren iritzira
sei urteotan egosi eta
danak ondo hazi dira
Zuen bideak izango dira
bizitzan era askotara
klase ertainean batzuk besteak
dirudunen tankerara
lanean nondik zatozen bada
leku onenean laga
profesional onak izan ta
gure pentsinoak paga
Ekonomista, injeniaria
igurtzilari prestua,
biologoa, itzultzailea
ta filologo gertua
danak kabitik urten dozue
lotu jatzue estua
urrunenera iristen danak
gorde daiala lekua
Bihar hasita bromak ikasten
onartuko dira nekez
egun batetik bestera berrehun
orri etor leikez errez
nahiz ez azaldu galdetu lasai
betikoa balitz legez
baina ez pentsa geuk be batzutan
exajera geinke ala ez
Seigarrenagaz akabauko da
agurreko bertso sorta
bihotz-bihotzez kantatu dogu
emozino honek jota
bihotz-bihotzez guztientzako
onena dotsuegu opa
ez gagizuez inoz ahaztu guk
ez zaitueguz ahaztuko ta
Guti Errez