Bilboko urak ez gaituenez
oraindik behintzat gaixotu
sendabide lez berari bertso
batzuek jartzea otu.
Itxuraz garbi egonda ere
pozoia bertan gotortu
Bilboko ura ez da hain ona!
behingoagatik aitortu!
Ibaizabal du berez izena
Nerbioi deitu nahi arren
ez dakizue horra iritsi
aurretik ze polita den.
Izan liteke udaletxeko
kontuen ispilu garden:
polita egin nahi dute baina
ze zikinkeri dakarren.
Halan da ere ez suposatu
maite ez dudanik Bilbo,
bere kaletan galtzen naiz pozik
etorten naizen aldiro.
Baina ez dena ezin da izan
magia ez dut egingo,
ikasturtea hasten denean
itzuliko naiz berriro.
ZALDUNA