Borsh herriye itsaso ondoan eta mendi altu baten maldaren artien dago. Aldatza oso pikua da eta amaitu bezain pronto itsasoaren mailan ia-ia dagoan lautadea hasten da. Bien bitartean herriye. Ez dau emoten herrigunerik daukonik, eta momentuz behintzat ez dot ikusi ez eleizarik ez meskitarik.
Hameko lurraldie eremu sikue da. Zugatzik apenas ez da ikusten, eta ikusten direzanak aretxak, arteak eta artelatzak iziten direz. Olibondoa be erruz ikusten da. Harrie eta laharrak edonon topa leitekez. Batez be harri zuriye, baie palea lurrean sartu ezkeitino lurre beilegiye agertan da. Ganadue hazterako leku oparoa ez dau emoten, baie behiek, ahuntzek ala ardiyek edozein momentuten ager leikizuz errepide erdi-erdiyen. Kurbe itxi baten ondoren batez be.
Orain azaltzen noa
Borsh-eko kontuak
non dagozan etxeak
eta non ortuak
zelanik zaintzen dauan
menditzar altuak
Hondartzak luze dira
ta oso estuak.
Mendi altue arren
izenik ez antza
biderik ez da ikusten
joteko gorantza
euriyek egiten dautsa
eraso bat latza
errekek orrazten daure
beheranzko aldatza.
Lalengo etxiek dagoz
bertan kokatute
errepidie gero
beherantzago dauke
ondoren arbola artien
dauz etxe batzuk be
Etxe guztiyek dagoz
sakabanatute.
Olibondo solotan
dira aberatsak
horretaz mugatzen dira
bertako hondartzak
hainbeste diranez gero
nire ustez behintzat
ez da basoa baina
hartu lei basotzat.
Azkenik hondartza dago
einda “turistola”
basamortua ez da
lekua inola
imini daure hainbeste
taberna-txabola
ta ondoan landatu
sonbrila arbola.
Sarandë izeneko hiri baten be egon naz. Hiri txikerra, itsasoaren ondoan, hiri kaotikoa planoaren aldetik, aldatzean eragia, ia-ia itsasora jausteko zorian. Bertan muezinaren otoitzerao deie entzun dot, zeren ez da ahaztu behar herrialde honetan biztanleetatik erdiak pasatxo musulmanak diran.
Ibilien nenbilen
hona eta horra
eta hondartzan beitu
gauza gogorra
neska gaztie zana
fededun bizkorra
Qoramagaz zorra
danez derriorra
kentzeko zigorra
Bikinia jantzita
eta txadorra.
Guti Errez