Aurreko egunien Shkodër itxuraz zelangoa dan azaldu neuen. Gaur barriz zelango bizimodue antzemoten dotsodan azalduko dot. Hamen hirugarren egunez nagoala zerbait igerri badot lasaitasune izin da. Shkodër huri lasaie da, danatarako. Zelanbait leku txikerraren kontzientziye deko eta hori edonon agertan da. Kalera urtenda, ikusten dan lalengoa trafikoa da. Kale nagusiyetan kotxeak ez direz falta, baie abiadura handirik ez daurie iziten. Ez dago apenas semafororik, Zornotzan bezala, eta errotondak be gitxi dire, Euskal Herrian ez bezala. Zebra bideak egon dagoz, baie nahiko txarto kontserbaute. Igatuaren igatuaz ez dira oso ondo ikusten eta agian horrexegaitik jendeak edonondik zeharkatzen dau kalea, kotxeak behar bada gelditan direz pasetan itziteko zarata barik. Jendea orokorrean ez da karran baten igitan, astiro bere ez, lasai bai baina. Beste aldetik, bizikletak edonon dagoz, edonondik eta edonora.
Kalera urten eta atoan
hor traste motorgabea
huri txikiyen ibiltzerako
ez da ibilgailu hobea
ikertu leikez tipologian
makina eta jabea
azalduko dot zelangoa dan
bizikletan lurraldea.
Demokratiko oso da hamen
bizikletagazko grina
agure zaharra, atso adinduna
edota gazte txolina
ibilten direz lasai askoan
euren bidea egina
ez dotsa ardura erlijioa
sexua edo adina.
Fijatuz gero bizikletaz ta
ganeko jabeaz ondo
ikusi ohi da jende gaztie
martxadunetan gorengo
batzuk barriyak bestiek zaharrak
gelditu barik egundo
Batzuk ederrak besteak kutre
baina danak gaur egungo.
Adinean gora egin ezkero
egon behar zara adi
astiro baina geratu barik
eragiten pedalari
makina baina ezberdina da
konturatuta nabari
gerra osteko bizikleta eurak
ibiltzen dira ugari.
Garai batean BH eta
Orbea ziran hain laino
ume gehienek eukiten auren
bat oso jostailu sano
gerora baina desagertua
ez dira heldu gaurdaino
hemen ostera kalean dabiz
hemen diraue onino.
Hameko nasaitasunaren beste erakusgarri bat txakurrak direz. Edonon topa zeinkez, ardura barik alde batetik bestera lepoko barik. Batzuek, ardien modure, holau txapatxu bet daroie belarrien. Egunien zehar hametik hara ibiltzen direz ia zer janik topetan dauren. Iluntzien kale erdien etzuten dire eta kotxeren bat agertu artino han dagoz artegatu barik.
Hainbeste txakur dago
kaletan erromes
gitxi ibilten dira
jabeaz artez
kalean ibilian
zuzen edo trabes
jana deuke nekez
zerua aterpez
lurra ohe merkez
goseak hilko ditu
baina estresak ez.
Guti Errez