Euskaldun gitxi ei gara munduen, miloi t´erdi edo holau zegozer. Baina ez dotsa ardure, munduko bazterrik galduenera joanagaitik be han beste bategaz ingo dozu topo ziur. Eta halaxe atzo kale txiker batean sartu nentzen jatetxe batean bertoko janariye probetan, eta bi minutu geroau bikote bat. Zerbitzariyek nongoa nentzan itaundu ostan, eta “Basque Country” esanda non zan eta azaldu behar izan notsan. Mahaien eseri nentzen eta bikotea agertu. Zerbitzariyek nongoak zirian itaundu eta eurek barriz “Basque Country”. Orduen zerbitzariyek esan dautse niri zeinalatuz: “Basque Country too”. Dimako bikotie, furgonetan Grezire joanda, eta orain itzulera Adriatikotik eiteko asmoa eukenak. Jende atsegine, euskaldun korrientie, gizona Ibon Iza eta Kepa Intxaustiren laguna.
Gaur, halabeharrez Merkatal Gune bat topa dot. Kontuan hartute hemen denda txikerrak eta merkiek mileka dirala, salbuespen bat. Barrutik begiratua, boutique-ak eta holango dendak. Supermerkatu bet eta banku pare bat. Aukerie aprobetxa dot eta kutxazain batean dirue atara dot.
Kutxazain baten sartu naz eta
dirue atara bapo
bileteak baina handiegiyak
ziran nire usterako
banku batean sartu naz lasai
txikitan aldatzerako
Jendea hartzen gizon bat zan ta
izenez ei zan Kitpapo.
Nire kasua kontatu notsan
ahal neban ta argienik
bere aurpegien irriparra ta
ez zan ikusten besterik
konpontzerako keinu bateaz
hartu ninduan besotik
ta zuzendari ei zan bategaz
jarri ninduan Tapopik
Zuzendariyek nire kasue
entzun ei eban gogotik
ta arazorik ez egoala
eratzun ostan haatik
konfiatuta bere esana
zintzoki bete neban nik
ta ilararen azken lekuen
jarri ninduan Patopik
Holako ilara baten abiada
ez da hartzeko bromatzat
denbora galtze hobeak dagoz
handik kanpora gehienak
nire txandea heldu artino
pasa zan ordu erdi bat
ta bitartean jendeaz artzain
pozik ebilen Pikopat.
Neska gaztiak hartu ninduan
nigaz atsegina behintzat
ta esan eustan behar eustala
kobratu komisino bat
kanpoan egon leku batean
doarik zala niretzat
eta kanpoko bulego hortara
eroan nindun Tipopak
Hantxe aldatu neban dirue
momentu baten doarik
tipoak esan ahal ostan hori
lasai-lasai haseratik
neska gaztie kendute neban
desiatu nik gogotik
banku hortako beste guztiak
joan daitezan Popatik.
Gaur beste aldetik, gauza bat ikusi dot, —eta ganera hiruten ikusi dot — hemen ikusterik espero ez nebana. Ikusi ezgero zelan gidatzen deuren, nola ibiltan direzan errepidean... arraroa egiten jatan isunik ez ikusia. Gaur, aldiz, hiru jartzen ikusi dot.
Trafikoa hemen ez
da bestetan legez
lege gitxi daukie
itxura danez
baina gaur hasi dira
zigortzen isunez
ikusi dodanez
lehengoaren ordez
ta hiru biderrez
ganera kotxe handiei
imini dautsez.