uriola.eus

Jai herrikoiak vs. BBK, Heineken, Last Tour... #GoraJaiHerrikoiak

Erabiltzailearen aurpegia   Iritzia

Asko dira Bilboko Udalak Jai Batzordeei jartzen dizkigun trabak eta arazoak auzoetako jaiak prestatzeko orduan. Hori dela eta, ezin dugu ulertu Bilboko Udalaren jarrera Heineken edo BBK bezalako enpresa pribatu handiek edozein jaialdi antolatzen duten bakoitzean. Hauei, oztopoak jarri ordez, alfronbra gorria jarri, eskatzen duten guztia eman eta Udalak berak ezarritako arauen gainetik pasatzen uzten die.

Jai herrikoiak vs. BBK, Heineken, Last Tour... #GoraJaiHerrikoiak
Argazkia: Eneko Ander‏ | Ikusi handiago | Argazki originala

Aspaldi konturatu ginen Bilboko Udalak Jai Batzordeak indargabetu eta desagerrarazi nahi dituela, horrek bultzatu nahi duen jai-eredua eta gurea ez baitatoz bat. Izan ere, haien xedea euren patrikak betetzea da, ez auzotarrok auzotarrontzat jai parte-hartzaileak sustatzea. 

Auzoetako Jai Batzordeek 1.500na euroko diru-laguntza jasotzen dute urte osorako, eta diru-laguntza horrekin hurrengo ekimen guztiak antolatu behar ditugu: auzoko jaiak, Olentzero, Inauteriak, San Juanak eta urtean zehar egiten diren beste hainbat ospakizun. BBK Live jaialdiak, berriz, 1,4 milioi euroko diru-laguntza jasotzen du lau eguneko egitaraua osatzeko. 

Horregatik, guztiagatik, Auzotarrok Bilboko Jai Batzordeen koordinakundeak Bilboko Udaleko Jai zinegotzia den Itziar Urtasuni hurrengo hau eskatu nahi dio: azal diezagula zergatik auzoetako Jai Batzordeek auzokideen eta komertzio txikien karitateaz bizi behar dugun, multinazionalek diru publikoarekin, hau da, gu guztion diruarekin, haien patrikak betetzen dituzten bitartean.

 

Gora Bilboko jai herrikoiak!

#GoraJaiHerrikoiak

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa