Maiatzean zehar LOMCEren araberako 4 azterketa egin beharko dituzte ikastetxeetan; Lehen Hezkuntzan 3. eta 6. mailan, DBHn 4. mailan eta Batxilergoan 2. mailan. Azterketa hauek ez dute ondorio akademikorik izango, baina derrigorrezkoak izango dira. Hau dela eta, "inposatu nahi dituzten LOCMEren araberako azterketei" planto egiteko eta mobilizatzeko deia luzatu dute.
Ikastetxeetan plantoa egin eta mobilizatzeko deia zabaldu du bihar Hezkuntza Plataformen Topaguneak
Eusko Jaurlaritzak eta Nafarroako Gobernuak "LOMCE aplikatzen jarraitzen dutela" salatzeko planto eguna deitu du Hezkuntza Plataformen Topaguneak bihar. Karmelo ikastolako Olatz Egiguren izan da gurean, egungo egoeraren berri ematen.