Igazko lehen hiruhilekoagaz alderatuta istripuen kopurua ehuneko 11 jaitsi da EAEn. Gaur arteko datuei begira igaz baino hamar pertsona gitxiago hil dira epe honetan eta 39 pertsona gitxiago zauritu dira. Behera egin daben istripuen artean: animalien harrapaketak, aste barruan izandako ezbeharrak edota autobideetan gertatutakoak azpimarratu geinkez. Urtea amaitu arte datuen behin betiko joerea zein dan jakiteko itxaron beharko da. Jaurlaritzako trafiko zuzendariaren arabera distrakzinoek eta abiadura desegokiek gaur egungo istripuen %90 sortzen dabez. Igaz baino eguraldi hobea egonda txirrindulari gehiagok urten dabe aurten errepideetara eta txirrindulariakaz eta motor gidariakaz lotutako istripuek gora egin dabe. Ertzaintzak egindako kontroletan alkoholagaitiko positiboak jaitsi dira baina drogakaitik positibo emondakoen kopuruak gora egin dau. Datorren asteko barikuan udako urteera operazinorako 550 ertzain prest egongo dira eta 3,3 milioi ibilgailu euskal errepideetatik igaroko dira.