Gotzaitegia Sopuertako herritarren alde
2014ko ira. 25a, 00:00
La Baluga eskola publikoaren inguruan azaldu diran informazinoen aurrean oharra kaleratu dau Gotzaitegiko Bikaritza Nagusiak. Nabarmentzen dabenez, Sopuertako herritar gehienak La Balugaren inguruan 2005ean adostutako akordioaren alde dagoz gaur egun be, eta eurak ez dabe inoz onartu gehiengo horren kontra joan leiteken proposamenik. Orduan adostu eben herriko alderdi politiko guztiek eta hezkuntza alkarteek gaur egun indarrean dagoen hezkuntza egiturea, Jaurlaritzaren oneritxiagaz. Gotzaitegiak lur saila erosi eta emon eban Haur Hezkuntzako eskolea eregiteko, baldintza bakar moduan Haur Hezkuntzarako baino ez zala erabiliko ipinita. Bikaritzatik azaldu dabenez gaur egun be gehiengoa akordio horren aldekoa da, eta sortutako arazoa konpontzea Hezkuntza sailari dagokio, titulartasun publikoko eskolea dalako.