Sasiburu Barakaldoko euskaldunen alkarteak euskerazko hormirudien nazinoarteko lehiaketea eratu dau, gizarte sareetan euskerearen presentzia handitzeko asmoz. Hormirudiak gizarte sareetan argitaratzen eta partekatzen diran irudiak dira: txisteak, informazinoa, jakingarriak, bideoak, muntaiak...gehienetan euskera ez dan hizkuntzan jasoten dira eta dagozan moduan partekatzen dira. Sasiburuk lehiaketea eratu dau, jenteak ahalegina egin daian jasoten dauena euskalduntzeko edota euskeraz sortzeko. Baldintzen barri euren blogean emoten dabe.