Athletic azken partidu biak bardinduta dago. Albacete eta Levante izan ditu aurkariak. Hirugarrenean, garaipena gura dabe zurigorriek. Eli Ibarra kapitanak esan deuskunez, min emon deutsie bardinketa biek. Ze azken minutuetan joan jaken garaipena. Orain, domekan aurkari zuzena jatorke, Valentzia. Sailkapenean 24na puntugaz dagoz Bartzelona lehenengo, eta Athletic eta Valentzia gero. Hori bai, katalanek partidu bat gitxiago jokatu dabe. Zurigorriek irabazi beharra daukie lehen tokia berreskuratzeko. Bizkaia Lehian saioan Eli Ibarra kapitana ezeze, beste hainbat konbidadu be euki ditugu. Isa Blanco Bilbo Futbol Salako jokalaria, Ibai Kortabitarte Metropolitanokoa, Iker Olaeta Bizkaia Gernikakoa eta Jon Urretxa Barakaldokoa.