Athleticek Bartzelona liderra hartuko dau zapatua Lezaman (11.45). Zurigorriak Atl. Madrilen aurka galduta dagoz, eta irabazi beharra daukie. Bartzelonak 30 puntu daukaz, Athleticek baino 3 gehiago. Gainera, katalanak partidu bat gitxiago jokatuta dagoz. Bizkaia Lehian saioan Iraia Iturregigaz egin dogu berba. Gernika KESB eta Gernika Rugby taldearen egoerea be jorratu dogu. Naiara Diez eta Iñigo Olaetagaz egon gara. Barakaldok garaipena lortu dau eskubaloian, eta orain aurkari zuzen baten aurka dauka, Lasesarren, zapatuan. Jon Urretxa atezainak esan deuskunez, irabazten segidu behar da arazorik ez izateko.