Plastikorik bako objektuak saltzen dauzen estaduko lehenengo denda birtuala zabaldu dabe Bilbon. Sinplastico.com webgunea ekologisten mundutik datozan hiru kidek sortu dabe eta dendea Bilbon kokatu dabe. Momentuz Uribarri auzoan dagozan bildegia eta bulegoa baino ez daukie baina Bilbao Ekintzaren bitartez on-line dendea sortzea erabagi eben. Javier Barrios, sinplastico.com-eko bazkidetariko bat da eta azalpen guztiak emon deuskuz. Webgunean mota desbardineko tresnak eta aparailuak eskaintzen dabez etxerako, umeentzako, sukalderako edota kosmetikoen munduari begira, hori bai plastikorik barik sortutakoak dan danak.