Leioa ezin irabazita dabil aspaldion. Partiduak luze egiten jakezala onartu dau Aitor Arregi atzelariak. Neke kontua barik, buru kontua dala uste dau. Azken minutuetako mamuei aurre egin behar deutsela uste dau. San Sebastian de los Reyesen izango dabe lehen aukerea. Dana dala, Leioa nasai dago sailkapenaren 6. lekuan. Arenasek 3 puntu gitxiago daukaz, eta 11. lekuan dago. Ian Uranga hegalekoagaz egin dogu berba Atetik saioan. Rayo Majadahondaren kontra jokatuko dabe Gobelan. Zallarena okerragoa da. Azkena da 3. mailan (8 puntu). Markel Goikoetxea atzelariak dino taldea indartsu dagoela, eta ahalegin guztia egingo dabela zulotik urteteko.