Errugbian, Getxok ezin izan dau Alcobendasen aurka. Entrenatzailea aldatu ezkero, irabazi egiten dala esaten dabe. Baina, Simon Hafokaren lehen partiduan galdu egin dau Getxok. Dana dala, Iker lavin jokalaria itxaropentsu aurkitu dogu. Independienteren aurka jokatuko dabe domekan, Santanderren. Partidu garrantzitsua zulotik urteten hasteko, eta aukera polita entrenatzaile barriaren lana igarri dadin. Gernikak ez dau hainbeste akatsik egin orain arte. Halanda ze, helburua gertu dauka. Zapatuan, Cisneros hartuko dau Urbietan. Iker Olaetagaz egin dogu berba Bizkaia Lehian saioan. Prosetecnisa Zuazori akatsek galdu ergin deutsie Bera Beraren aurka. Horixe aitortu deusku Ainhoa Azaola jokalariak. Orain, Valladolidera osterea daukie barakaldarrek. Lerro Hockeyan Metropolitanok akatsak zuzendu ditu, eta garaipena lortu dau Castellbisbalen aurka (4-1). Asier Arpon jokalariaren esanetan, partidu ona jokatu eben. Waterpoloan, Leioak liderra hartuko dau zapatuan Askartzan. Virginia Cobos itxaropentsu dago. Badakie gatxa dana, baina akatsik egin ezik, dana da posible. Baita liderrari irabaztea be.