Eskerrik asko, Ainhoa eta Maialen

Prosetecnisa Zuazok ezin izan dau Europarako sailkatu. Azken jardunaldian bardindu egin dau Aula Valladoliden aurka (24-24), eta bosgarren geratu da. Egun hunkigarria izan zan, gainera, jokalari askorentzat. Esate baterako, Ainhoa Azaola eta Maialen Agirregomezkortarentzat. Azken partidua, Zuazogaz. Azaolak saskibaloia lagatea erabagi dau, belauneko arazoakaitik. Agirregomezkortak nasaitasuna nahi dau, eta gorengo mailan baino gehiago disfrutau be bai jokatzen. Zuazok eskerrak emon deutsez biei. Izan be amaitu da euren ibilbidea klubean. Eskerrik asko bioi, Bizkaia Lehian saioan sarri-sarri izateagaitik be, eta ondo-ondo jarraitu. Getxo Arteak Ohorezko maileari eusteko playoffa jokatu behar dau. Zapatuan, lehen partidua Burgosen. San Amaro izango dabe aurkari getxoztarrek. Iker Lavin jokalariak esan deuskunez, kanporaketea Burgosen erabagitea da asmoa. Beisbolean, San Inaziok Astros Valentziaren aurka jokatuko dau astegoienean. Markel Mendizabal jokalariak onartu dau partidu gatxa izango dala, baina itxaropentsu dagoz ezustekoren bat emoteko.