Bizkaiko hiru pilotarik jokatuko dabe eskuz binakako txapelketa nagusia. Mikel Urrutikoetxeak Ladis Galarza gazteagaz jokatuko dau. Mikel Larunbek Oinatz Bengoetxea izango dau kide aurreko koadroetan. Igaz finala jokatu eta galdu eben Irribarria eta Rezustaren aurka. Danel Elezkanok Beñat Rezustagaz jokatuko dau, ezkertien bikotea osatuta. Datorren barikuan hasiko da txapelketea Beran eta lehenengo itzulian ez da partidu askorik jokatuko Bizkaiko frontoietan. Hiru partidu bakarrik oraingoz: Zierbenan abenduaren 3an, Bilbon abenduaren 23an eta Etxebarrin abenduaren 30ean.