Emakume eta gizonen arteko soldata desbardintasunekaz amaitzeko eskatu dabe Bizkaiko Batzar Nagusiek aho batez

Atzo egin zan gaiaren ganeko eztabaidea eta Bizkaiko Foru Aldundiari, Eusko Jaurlaritzari eta Diputaduen kongresuari emakume eta gizonek soldatetan daukiezan desbardintasunekaz amaitzeko eskatu eutsen.

Ana Otadui Batzar Nagusietako presidenteak esan deuskunez, bardintasunaren ganeko gai asko landu eta onartu dabez aurtengo ikasturtean. Datorren ikasturterako be eukiko dabe bardintasunaren gaia mahai ganean baina beste zeregin asko be badaukie. Kontutan hartzekoa da ganera, hurrengoa hauteskunde ikasturtea izango dala.

Irailetik aurrera martxan jarriko daben ekimenetako batek Gernikako Arbolagaz be badauka zerikusia. Historian Gernikako arbolaren kimuak non landatu diran eta zenbat zabaldu diran jakin gura dabe. Horretarako jentearen parte hartzea eskatuko dabe.