Sarriko eta Deustu artean dagoan Bidarteko jauregia Ramon Ibarra Arregi aberatsaren ekimenez 1894an eregi eben. Altos Hornos de Bilbao, Papelera Española, La Basconia edo Compañía Orconerako zuzendaritza taldeko kidea izan zan baita Madrilen senatari be. Severiano Atxukarrok oligarka honen bizilekua izango zan Bidarteko etxaldea diseinau eban. Eraikina etxe pribadu izatetik ospitale izatera pasau zan, gaur egun Deustuko Udaltegia kokatzen da hantxe. SAFko historialaria dan Iñaki Goioganak eraikin honen sekretuak argitzeagaz batera Deustuko historiari buruz berba egin deusku.