Itziar Idiazabal EHUko Munduko Hizkuntza Ondarearen UNESCO Katedrako arduraduna da. 2015eko irailean Nazino Batuen Batzar Nagusiek Garapen Iraunkorrerako 2030 Agendea onartu eben. Agenda horretako 17 helburuen bitartez, datozan 15 urteotan pobrezia mota guztiakaz amaitu gura da. Baita desbardintasunak murriztu eta klima aldaketearen kontra egin be. EHUko Munduko Hizkuntza Ondarearen UNESCO Katedratik salatzen dabenez, agenda honek alde batera izten dau hizkuntzen alorra eta oso gitxi hartu dau kontuan kulturak garapen iraunkorrerako baliabide garrantzitsu lez.