Eragintza fundazinoak urteak daroaz gaisotasun mentala daukien pertsonekin lanean. Bideratu programan, gazteak bideratzen ditue lanera edo formakuntzara. Izan be, gaisotasunaren eraginez, mundu horreetatik kanpo geratzen dira-ta. Eneritz Bengoetxeak Programa arduradunak azaldu deuskunez, buruko gaisotasuna daukala jakitea gogorra izaten da gazte zein helduentzat. Baina itxaropen argia biztu nahi izan dau, eta Eragintza laneratzean bide lagun izango dabela nabarmendu.