EH Bilduren eretxian krisiaren gestino nagusia Madrilen zentralizau izanak euskal gizarteari kalte egin deutso. Maddalen Iriarte EH Bilduko ordezkaria Bizkaia Irratian alkarrizketatu dogu gaur. Iriarteren eretxian Espainiako gobernua mezu kontrajarriak emoten dabil. Bestalde EH Bilduk beharrezkoa ez dan produkzinoa eteteko eskaerea berretsi dau. Zentzu horretan Maddalen Iriartek Gasteizko Michelin enpresan gertatutakoa adibide modura ipini dau. Euskal Herriko edadedunen erresidentzietan gertatzen dabilena kezkaz bizi dauela autortu deusku EH Bilduko ordezkariak. Iriartek lehendakariak Diputazino Iraunkorrean egingo dauen agerraldiak auzolana bultzatzeko balio izatea gura dau. EJak aurkeztutako 814 milioi euroko laguntza proposamenetik informazino zehaztuagoa gura dabela esan dau Maddalen Iriartek.