Koronabirusaren alertea hasi zanetik, Emakunde, Eusko Jaurlaritzako sailakaz, foru aldundiakaz eta udalakaz koordinauta dabil lanean, arriskuan egon daitezken emakumeei ahalik eta erantzunik onena emoteko. Zentzu horretan Izaskun Landaida Emakundeko zuzendariak esan deuskunez, biktimei arreta emoteko baliabide eta zerbitzu guztiak martxan dagoz eta egunotan aparteko preminarik identifikau ez dan arren, prest daukiez neurri osogarriak beharrezkoak izanez gero. Landaidak azpimarratu dauanez, funtsezkoa da gizarteak emakumeen kontrako indarkeriaren aurrean daukan zaintza aktiboa une honetan be mantenidutea.