Kaliforniako Aerosol Dynamics enpresak egindako ikerketaren arabera espazio itxietan birusa metro t’erditik haratago hedatu leiteke. Kaliforniako enpresa honek Floridako Unibersidadeagaz alkarlanean eginda dau ikerlana. Ospitale baten barruan, airean egozan birusaren laginak jaso eta makina berezi baten aztertu dabez. Aerosol Dynamics enpresan Arantza Eiguren ikerlari bizkaitarra dabil. Elantxobekoa da bera eta momentuz AEBetan jarraituko dauela esan deusku Arantzak berak. Ahal danetan toki itxietan bi metrotik gorako distantzia mantentzeko aholkua emon deusku Arantza Eigurenek. Kalifornian maskara gitxi erabilten da eta kutsatze kasuak areagotzen dabilz. AEBetako erakundeek eta medikamendu agentziek ikerketa honen barri euki dabe. Momentuz mota honetako ikerketa bakarra dala esan deusku Arantza Eigurenek.