PCRan negatibo emon arren Covid19ren sintomak luzaroan daukiezan gaixoen egoerea ikertuko dau Biocrucesek. PCRetan hiru biderrez negatibo emon dauen Fatima Gotwald -egaz berba egin dogu gaur Goizeko Izarretan saioan. Osakidetzako ospitale bateko ZIUan koronabirusa daben pazienteakaz lanean aritu ostean birusaren sintomak eukiten hasi zan. Egin deutsezan test guztietan negatibo emon ostean orain berarena neke kronikoaren sintomak diran ikertuko dabe. Fatima Gotwald ez da egoera honetan dagoan paziente bakarra. Beraren modukoak eta Covid19 jasan eta ondorio fisikoakaz geratu diranek Covid 19 gaixo alkartea sortu dabe. Alkarte honek gizartearen aurrean ikusgarritasuna aldarrikatu dau.