Lorea Bilbao (BFA): "Guggenheim bat Urdaibain eregiteko kanpoko finantziazinoa behar da"

Madrilen, Diputaduen Kongresuan bihar egingo dabe hizkuntza gitxituen inguruko legez besteko proposamenaren ganeko botazinoa. Biharko botazinoari buruz itaundu deutsogu goizean Lorea Bilbao kultura diputaduari. Estaduak hizkuntzen eremuan konstituzinoa garatzeko konpromisoa hartzea itxaroten dauela erantzun deusku.

Bestalde Urdaibain Guggenheim bat eregiteko kanpoko finantziazinoa beharrezkoa da Bilbaoren berbetan eta momentu honetan ezin da zehaztu noiz eregiko daben. Bilbon dagoanaren osogarria izango litzatekela esan deusku. 

Arte Ederren museoa handitzeko lanak irailean dira hastekoak. Oraindik ez dago argi orduan hasiko dabezan edo ez. Helegite baten ingurukoak erabagi behar dabez, lanei hasierea emon ahal izateko. Arte Ederretako museoaren handitze lanak beharrezkotzat jo dauz Lorea Bilbao Bizkaiko kultura diputaduak.

Aste Santua ate joka daukagun honetan inguruko museoak bisitetako sasoi ona izan daitekela uste dau Lorea Bilbaok. Foru museoen eskaintzaren barri emon deusku.