Maddalen Iriarte (EH Bildu): "EJk auzolana behin eta barriro errepikatzen dau baina ez dau ulertzen hori zer dan"

Pandemiaz galdetuta EH Bilduko legebiltzarkideak esan deusku neguan oso adi ibili beharko dogula eta Eusko Jaurlaritzari esan deutso ezin dala posible pantailaz pasatzea ezer gertatuko ez balitz lez jokatuz. Deseskalatzeak egun batetik bestera egin dirala salatu dau Iriartek. Urtea amaitu orduko Osakidetzan aurrez-aurreko arretara itzultzeko aukeraz Maddalen Iriartek dino osasun sareak eraldaketa sakona behar dauela pandemia aurretik be osasun langileen egoerea tenkatuta egoalako. 

Jaurlaritzak gaur onartu dauen aurrekontuen proiektuari buruz Iriartek dino aurrekontuek herritarrei ziurtasuna emon beharko leuskiela eta energiaren prezioa, alokairuaren prezioa edo emantzipazinoa laguntzea kontuan hartu beharko leukiezala. EH Bilduk negozietako borondatea agertu dau baina orain arte aurrekontuen barrien zehaztapenik euki ez izana kritikau dau. 

Alkarbizitzaz, barkamenaz, presoen egoeraz edo Ertzaintzan sartzeko eskatzen dan euskeraz komuniketako gaitasunaz be berba egin dogu EH Bilduko ordezkariagaz.