"Loraldia Gara.Zerumuga begietan" ekitaldiaren bitartez, Loraldia Kultur Alkarteak, hiru urterako ildo estrategikoak aurkeztu dauz. Datorren urtean zortzigarren Loraldia festibala egingo da eta alkarteak berak hamar urte beteko dauz 2024. urtean. Ekoizpen propioak sortzen jarraituko dabe, transmizinoa ardatz nagusietariko bat izango da eta gazteei begira lehenengoz Sormen-Lantegia egingo da. Astebeteko egonaldia eskeiniko jake gazteei, kultur eragileakaz harremanetan egon daitezan. Datorren urteko Loraldia Festibalari begira, Amaia Ocerin komunikazino arduradunak sorpresa erraldoiak iragarri dauz.