Mercabilbao, hornikuntza gabeziak eta Hezkuntza Legerako zirriborroa berbagai gaurko tertulian

Garraiolarien huelgak Mercabilbaon eragin dauenari buruz Mercabilbaoko fruta eta barazkien handizkarien presidenteagaz Gorka Morenogaz berba egin dogu. Arazorik handienak Almeriatik eta Levantetik heltzen diran tomate, kalabazin eta berenjenakaz dabezala azaldu deusku.

Barikuetako tertulian gai horri tiraka jardun dabe berbaz Urko Garamendik eta Rosa Miren Pagolak. Eurakaz Hezkuntza Legerako zirriborroan jasoten danari buruz be berba egin dogu. Era berean Urko Garamendik idatzitako Homenaje a los pueblos libres. Una gesta heróica liburuaz galdetu deutsagu. Liburua gaur aurkeztuko da arratsaldeko 18:00etan Lemoako Kotxepin Kultur Etxean.