Lakuatik dinoe ume horreek gerratik ihesi gurera heldu diran familienak dirala. EJko Inmigrazinorako zuzendaritzatik esan deuskue EAEn une honetan 1.500 eta 1.700 ukrainar bitartean dagozala. Polizia-etxeetan ia 1.300 pertsonak babesa tramitau dabe eta ia 1.200 ukrainarrek Osakidetzako txartela lortu dabe honezkero. Inmigrazino zuzendaria dan Xabier Legarretak Bizkaia irratiko mikrofonoetan gogoratu dau ukrainarrei emoten jaken harreraren bigarren kontingentzia planean gagozala.
Ukrainatik babes barik heltzen diran migratzaile batzuk Berrizko eta Oñatiko aterpetan egun batzuk emoten dabez. Bestalde partikularrek Ukrainatik errefuxiaduak ekarteko hainbat autobus eta furgoneta antolatzen jarraitzen dabe. Atzo eta gaur bitartean 6 boluntariok martxan jarritako hiru autobusetan 150 errefuxiadu heltzen dabilz Bizkaira. Xabier Legarretak proiektu honeek txalogarriak dirala esan dau baina koordinazinoa eskatu dau.